Un derumbe ta un fenómeno natural unda tera ta move, ta kai i skuif.
Loke abo por hasi
Loke gobièrnu ta hasi
Loke abo por hasi
Ora tin derumbe di un edifisio grandi ta hopi importante pa bo sa kiko bo tin ku hasi. Afortunadamente bo por prepará bo mes pa enfrentá un kalamidat dor di hasi lo siguiente:
Promé ku derumbe di edifisio:
- Semper wak rònt pa bo sa unda e salida di emergensia ta ora bo ta den un edifisio deskonosí. Esaki pa sigurá ku bo por sali na momentu di peliger.
- Sòru pa semper tin un radio ku ta traha riba bateria
- Buta bo radio na e frekuensia di e Radio di Emergensia 97.9 FM, wak televishon, bishita www.kalamidat.cw òf bo app Kalamidat.
- Sòru pa bo tin stòk di kuminda den kaso di emergensia den kas.
Durante di un derumbe:
- Keda riba suela, skonde bou òf banda di un muebel pisá òf kozein di porta keda sinta ketu einan i protehá bo kabes i garganta ku bo mannan
- Keda leu for di spil, portanan di glas i ophetonan pisá wardá den kashinan ku por hasi bo daño
- No usa left. Trapi ta mas sigur.
- Trata na paga kandelanan chikí si tin
Despues di un derumbe
- Paga tinu pa posibel wayanan di koriente deskonektá
- Notifiká si bo ta den situashon di peliger, eventualmente via bo telefòn selular yama 911.
- Si bo keda tapá bou di restunan di piedra ku blòki, keda mas ketu posibel eibou i trata na hasi zonido riba kualke pipa òf tubu. Grita únikamente si no por otro pa asina spar oksígeno
Derumbe edifisio
Loke gobièrnu ta hasi
Kasnan i edifisionan na Kòrsou mester kumpli ku sierto eksigensianan di konstrukshon ku gobièrnu a stipulá. Apesar di esei tin edifisionan ku un konstrukshon hopi bieu ku un ora pa otro por derumbá.
Por ehèmpel ora ta trata di un edifisio ku tin daño okashoná pa un kandela, eksploshon òf mal mantenshon.
