Un atentando terorismo ta e uzo sistemátiko di teror dor di un persona òf grupo di hende. Meta di e atentando ta pa preshoná gobièrnu òf komunidat pa hasi algu. Alabes un meta di un atentado terorista ta krea pániko, herida persona òf krea víktimanan.
Kiko abo por hasi si tin menasa di un atentado di terorismo òf un atentado di terorismo tuma lugá?
Ora tin menasa di atentado terorista:
- Si bo mira un pakete sospechoso òf un situashon ku no ta normal, keda leu.
- Yama 911 i avisá tur hende den bo bisindario.
Durante un atentado terorista:
Skucha e Radio di Emergensia 97.9 FM
- Sigui tur instrukshon di gobièrnu i tim di kalamidat
- Protehá bo mes kontra ophetonan ku ta kai for di laira
- Yuda otro mas tantu posibel
- Bai mas lihé posibel na un lugá kaminda no tin edifisio (dor di peliger di derumbe)
- No bai wak bèk na e lugá di e atentado
- No bai para den grupo
- Keda for di bisindario di bentana (nan por kibra) i tambe outonan di parker (nan por eksplotá)
- No usa lusafè òf laiter (dor di peliger di eksploshon di gas)
- Duna polis tur informashon ku por yuda den investigashon (por ehèmpel kualke señal òf deskripshon di un outo)
- Duna polis potrètnan ku bo a saka ku bo selular òf kámara digital
- Na momentu di un atentado wak televishon i skucha radio regular. Tambe por wak informashon riba bo app ‘Kalamidat’ i riba www.kalamidat.cw
Ehèmpel di atentado terorista
Kiko pa hasi durante un atentado terorista
Organisashonnan importante den un pais manera kuerpo polisial i hustisia ta traha hopi huntu pa redusí e chèns riba un atake terorista. Di e forma ei nan ta interkambiá informashon ku otro i sòru pa adaptá leinan i reglanan.
Tambe nan ta traha huntu ku otro paisnan pa prevení atentado. Tur medida pa kombatí terorismo por hasi e chèns riba un atentado chikí ounke no semper ta prevení esaki.
