Un kandela grandi ta un insendio ku ta desaroyá su mes sin kontròl.
Loke abo por hasi
Loke gobièrnu ta hasi
Loke abo por hasi
Promé ku un kandela grandi:
- Sòru pa bo ta na altura di e plan di evakuashon na bo trabou òf di otro edifisionan kaminda bo ta frekuentá. Si no tin un plan di emergensia pa e edifisio kaminda bo ta traha, tuma kontakto ku outoridatnan di brantwer pa traha huntu ku bo koleganan riba un plan.
Durante un kandela grandi:
- Brinda ayudo na mucha i hende ku no por yuda nan mes i sali ku nan mas lihé posibel for di e edifisio
- Si bo no por mira bon mas dor di e huma trata di keda serka di suela
- Muha algun pida paña pa pone dilanti nanishi i boka
- Sera tur bentana ku porta tras di bo
- Yama 911 si brantwer no ta avisá ainda
- No usa left. Trapi ta mas sigur.
- Bo no por bandoná e edifisio mas? Bai para den un bentana ku ta tira pa kaya di moda ku brantwer por mira bo
- Nunka bai bèk den un edifisio ku ta na kandela
Kandela grandi na Kòrsou
Kiko bo mes por hasi
Loke gobièrnu ta hasi
Na momentu di un kandela den un fregá di wowo tur kos ta disparsé. Esaki por kambia bo bida kompletamente. Kandela den bo kas bo mes por prevení dor di tuma medidanan adekuá. Gobièrnu ta brinda un man dor di informá kon bo por prevení un kandela grandi.
Gobièrnu a traha un plan di emergensia pa kandelanan grandi den un bario òf den un edifisio. E plan aki ta pa evitá ku tin víktima. Huntu ku esaki ta importante pa bo mes tambe ta prepará pa un posibel kandela grandi.
