Workshop

E aña aki tambe lo tin e ‘Prepare Now Worskhop’ riba 6 di yüni kaminda komunidat lo por bin tuma informashon tokante e.o. preparashon pa temporada di orkan 2024, pero tambe situashon di wer (kalor i inundashon) i i ‘cybersecurity’. Durante e workshop e bishitante ta risibí informashon di kiko instansianan di gobièrnu ta hasi pero tambe kiko kada persona por hasi keda seif durante un situashon di krísis òf kalamidat.

Registrashon pa e ‘workshop’ ta nesesario durante un seshon di workshop lo tin 3 tópiko ku lo ser trata. Komo partisipante bo tin eskoho pa registrá pa seshon 1 (9.a.m. – 10. 30 a.m.)   òf seshon 2  11.00 a.m. – 12.30 a.m.) durante tur dos seshon mesun informashon lo ser kompartí úniko diferensia ta e orario di e seshon di bo eskoho. Na momento ku bo registrá pa e ‘workshop’ lobo risibí un konfirmashon i tur informashon nesesario ku alabes ta konfirmá bo partisipashon na e ‘workshop’. Tene na kuenta ku e ‘workshop’ lo ta na papiamentu.