Skolnan

E aña aki tambe lo tin e ‘Prepare Now Worskhop’ riba 7 di yüni kaminda hóbennan di grupo 7 i 8 lo por bin tuma informashon tokante e.o. preparashon pa temporada di orkan 2024, pero tambe situashon di wer (kalor i inundashon) i i ‘cybersecurity’. Durante e workshop e hóbennan ta risibí informashon di kiko instansianan di gobièrnu ta hasi pero tambe kiko kada persona por hasi keda seif durante un situashon di krísis òf kalamidat. E temanan lo ser trese na un manera interaktivo pa e hóbennan kaminda nan konosementu lo ser amplia i e konosementu lo ta di balor agregá pa nan desaroyo.

Registrashon pa e ‘workshop’ ta nesesario durante un seshon di workshop lo tin 3 tópiko ku lo ser trata. Komo partisipante bo tin eskoho pa registrá pa seshon 1 (9.a.m. – 10. 30 a.m.)   òf seshon 2  11.00 a.m. – 12.30 a.m.) durante tur dos seshon mesun informashon lo ser kompartí úniko diferensia ta e orario di e seshon di bo eskoho. Na momento ku registrá e klasnan pa e ‘workshop’ e dosente lo risibí un konfirmashon i tur informashon nesesario ku alabes ta konfirmá partisipashon di e skol na e ‘workshop’. Tene na kuenta ku e ‘workshop’ lo ta na papiamentu.

E ‘workshop’ lo ta enfoká riba muchanan pues e terminologianan ku lo ser uza ta komprendibel pa e muchanan ku ta atendé e ‘workshop’. Despues di e ‘workshop’ lo tin material disponibel’ ku dosentenan lo por uza pa sigui amplia riba e temanan trata den e ‘workshop’. E hóbennan lo risibí un konsumo chikí durante e seshon di workshop.

E ‘workshop’ lo tuma lugá na Sambil riba djabièrnè 7 di yüni.