Un warwarú ta un masa di airu ku velosidat haltu angular.
Durante di un warwarú semper sòru pa bo kas i kura ta den bon estado i limpi di ophetonan pisá ku pa motibu di bientu fuerte por forma un peliger pa bo kas i pa hende.
Trata di sigurá bo kas kontra di daño pa motibu di mal tempu.
Durante di un warwarú:
Si bo mira un warwarú forma i move den direkshon kaminda bo ta, drenta paden mesora i buska refugio den un kamber ku ta mihó protehá kontra di bientu i ku tin tiki bentana.
Despues di warwarú:
Si bo kas a sufri daño, alarma outoridatnan, por ehèmpel via di number di emergensia 911.
Sali for di paden di e kas pa evitá ku muraya i/òf dak por basha abou riba bo.
Wak pa bo duna yudansa na otronan den bo bario. Sigui tur órden di outoridat.
Gobièrnu lo sòru pa lugá pa keda pa esnan ku a pèrdè kas, pero preferibel pidi refugio serka famia òf konosínan.
Warwarú na Kòrsou
Kiko bo mes por hasi
Warwarú ta algu ku ta forma direpente durante sierto sirkunstansia di tempu. Ora un warwarú hasi daño na un òf mas bario, gobièrnu ta evaluá e grandura di e daño i e efekto riba komunidat.
Si e efekto ta grandi pa un parti signifikante di nos komunidat, minister presidènt por disidí pa anunsiá un estado di kalamidat. Esei ta nifiká ku for di e momentu ei, tur instansia i organisashon enkargá ku kalamidat ta kuminsá funshoná sigun plan di kalamidat di gobièrnu.
