[BIBANDO]: A hasi palabrashon ku sentronan religioso, ku entrante mañan djárason, 21 di aprel por tene enkuentronan segun Plachi di Dia te ku un máksimo di 25 persona presente.

[BIBANDO]: Entrante mañan djárason, 21 di aprel, kompanianan ku tin e fasilidat pa ofresé servisio di laba outo ‘drive-thru’ por hasi esaki.

[BIBANDO]: Entrante mañan djárason, 21 di aprel, ta amplia e kantidat máksimo di persona ku por bishitá entiero pa despedí di un ser kerí.

[BIBANDO]: Ta hasi un apelashon na tur doño di trabou, pa porfabor mantené e kapasidat di empleado ku mester tei físikamente na trabou na un mínimo.

[BIBANDO]: Tur kompania ku ta bende produkto i merkansia por ofresé servisio di entrega na kas (delivery), entrante mañan djárason 21 di aprel 2021.

[BIBANDO]: Entrante mañan djárason, 21 di aprel 2021, benta di material di konstrukshon ta posibel pa medio di servisio di drive-thru den forma di ‘click & collect’.

[BIBANDO]: Entrante mañan djárason, 21 di aprel, e orario di servisio pa trùknan di pan ta bira entre 4’or di atardi te 8’or di anochi. Por lo pronto, solamente servisio di entrega (delivery) ta posibel.

[BIBANDO]: Entrante mañan, djárason, 21 di aprel, restorantnan ku ta disponé di e posibilidat por ofresé servisio di drive-thru i e servisio di ‘delivery’ por sigui tuma lugá te 8’or di anochi.

BIBANDO]: Entrante mañan, djárason, 21 di aprel ta posibel bishitá laman riba base individual (segun orarionan indiká) pa preservashon di salú físiko i mental.