Un siklon tropikal ta un sistema ku formá dor di nubianan di bos i welek organisá, ta drai rònt di su as, i tin un sirkulashon será na nivel abou i ta forma riba oséano tropikal òf sup tropikal. Den e hemisferio nort di mundu e sistema aki ta drai kontra oloshi na nivelnan mas abou i ku oloshi na nivelnan mas haltu den atmósfera.
Oséano Atlántiko i Caribe su temporada ta kuminsá 1 di yüni i ta terminá 30 di novèmber.
Siklonnan tropikal ta haña su nòmber, dependé na unda nan a forma. Un siklon tropikal ku a forma den Oséano Atlántiko ta yama un orkan, miéntras ku unu ku a forma den Oséano Pasífiko Oriental ta yama un Thypoon.
Por klasifiká un siklon tropikal den tres kategoria a base di su bientu máksimo sostené. Esakinan ta: Depreshon tropikal – ku bientunan máksimo sostené ménos ku 62 km pa ora;Tormenta Tropikal – ku bientunan máksimo sostené entre 63 pa 118 km pa ora: Orkan – ku bientunan máksimo sostené di mas ku 119km pa ora.
Kon un Siklon Tropikal ta forma? Tin diferente kondishon ku mester ta presente pa un siklon tropikal por forma. Esakinan ta:
1. Laman kayente (por lo ménos 27°C)te sierto profundidat; 2. Atmósfera instabil; 3. Bientunan relativamente suak den nivelnan mas haltu di atmósfera 4. Un disturbio den nivel ku ya kaba ta eksistí manera por ehèmpel un ola tropikal.
