Orkan

Un siklon tropikal ta un sistema ku formá dor di nubianan di bos i welek organisá, ta drai rònt di su as, i tin un sirkulashon será na nivel abou i ta forma riba oséano tropikal òf sup tropikal. Un orkan ta un siklon tropikal ku bientunan máksimo sostené di mas ku 119 km pa ora. Oséano Atlántiko i Caribe su temporada di orkan ta kuminsá 1 di yüni i ta terminá 30 di novèmber.

 

Tin diferente kondishon ku mester ta presente pa un siklon tropikal por forma. Esakinan ta:

  • Laman kayente (por lo ménos 27°C)te sierto profundidat;
  • Atmósfera instabil;
  • Bientunan relativamente suak den nivelnan mas haltu di atmósfera i;
  • Un disturbio den nivel ku ya kaba ta eksistí manera por ehèmpel un ola tropikal;

 

 

 

Promé ku mal tempu:

  • Sòru pa semper bo kas i bo kura ta den bon kondishon, sin ku opheto los òf palu ku por hasi daño na bo kas ora di mal tempu.
  • Semper tin un pakete di emergensia den bo kas.
  • Palabrá ku kada persona ku ta biba den bo kas kon boso mes plan di emergensia ta hinká den otro; splika muchanan tambe kiko por sosodé na un manera komprendibel pa nan
  • Keda vigilá e boletin di pronóstiko di tempu via radio, televishon, www.kalamidat.cw òf via e app di Kalamidat
  • Sòru pa bo tin bo telefòn selular semper kargá

 

Durante mal tempu:

  • Ora tin mal tempu ta rekomendabel pa keda paden i sigui radio, televishon òf www.kalamidat.cw
  • No sali kaya òf subi laman si a deskonsehá esaki.
  • Si tòg pa un motibu òf otro bo mester sali for di kas, bai ku sufisiente kuminda, awa, deken, èkstra paña pa bisti i bo telefòn selular bon kargá.
  • Te kaminda bo mes por, trata na resolvé kualke daño promé ku yama timnan di reskate. Esaki ta evitá ku e liña di emergensia ta keda okupá konstantemente loke por stroba esnan den mas nesesidat.

 

Orkan Thomas na Kòrsou

 

Kiko bo mes por hasi

 

Efektonan di un orkan por ta grave pa bo kas si bo no tuma prekoushon. Gobièrnu tin un Direktorado di Kontrol di Riesgo i Maneho pa Kalamidat instalá, kaminda tur instansia i servisio nesesario sa kiko pa hasi ora tin peliger, durante i despues di un orkan. E representantenan di e organisashon aki ta reuní regularmente, ta sigui desaroyonan lokal i internashonal i ta yuda avisá gobièrnu tokante e pasonan ku mester tuma.

Gobièrnu ta prepará lugánan pa keda (shèlter) pa esnan ku ta kore peliger den nan mes kas. Tambe gobièrnu ta duna informashon i den kaso di orkan, ta alarmá tokante e gravedat di e orkan. Pero ta bo mes tin e obligashon di informá bo mes i bo famia delantá i tuma e prekoushonnan nesesario den kaso di orkan.

Facebook

Prepará

Plania

Keda Informá