Boletin informativo mart 2016

kala

Kòrsou ta prepará pa Tsunami

Directie Risicobeheersing & Rampenbeleid’ (DRR) a ser instituí na òktober 2014 den Ministerio di Asuntunan General. E mishon di e direktorado ta pa garantisá i salbaguardiá na un manera efektivo i efisiente, bida, kontinuidat sosial, medio ambiente i vienes di pais Kòrsou, promé, durante i despues di un krisis Of kalamidat. Tambe e nan ta enkarga k’e responsabilidat pa apliká e lei pa kalamidat, Landsverordening Rampenbestrijding.

17 di mart último ‘rampenbestrijdingsorganisatie’ (RBo) a partisipá na un sunami dril internashonal. E ‘rampenbestrijdingsorganisatie’ ta konsistí diferente organisashon di Gobièrnu manera e.o. di brantwer, polis (Justitie), servisio médiko (GMN), Openbare werken (VVRP), Sociale zaken (SOAW), Communicatie & Voorlichting’ (AZ) pero tambe e.o. organisashon i departamentunan manera Rode Kruis, VKC, Aqualectra, BTP, Meteo i Defensie.

Den kumplimentu ku e lei pa kalamidat, e ‘Landsverordening Rampenbestrijding’; i e plan di kalamidat di Gobiernu, Directie Risicobeheersing & Rampenbeleid (ORR) konhunto ku servisio meteorológiko, a organisá un ehersisio multidisiplinario basa riba e plan pa kalamidat pa ku tsunami. E ehersisio tabata basa riba e ‘International Tsunami drill’ ku ta ser organisá tur aña i kaminda paisnan den Karibe por partisipá.

Meta di e tsunami dril tabata pa wak kon bon prepará e ‘RBo’ ta den kaso si un tsunami presentá. E ehersisio tabata konsistí di dos parti, un parti ‘desktop’ i un parti práktiko. E parti di ‘desktop’ a tuma lugá na Feffik ku ta fungi komo Emergency Operations Centre (EOC) di Korsou. Den e parti di ‘desktop’, miembronan di ‘RBo’ bou di guia di un entrenadó speshal a pasa den e prosesonan dje plan di kalamidat di Gobièrnu. E parti praktiko tabata konsistí di un simulashon di un evakuashon a konsekuensia di un tsunami. Algun alumno di Feffik a figurá komo habitantenan ku mester a ser evakuá for di e area di Janthiel, kaminda nan mester a kana bai e punto mas haltu den e area.

Den futuro Directie Risicobeheersing & Rampenbeleid lo sigui organisá mas kurso i ehersisio pa e miembronan di RBo. Pa medio di kursonan i ehersisionan miembronan di e RBo lo sigui prepará na un manera efisiente i efektivo pa nan tarea durante un krísis o kalamidat. Kòrda like nos pagina di FB: www.facebook.com/RisicobeheersingCuracao.

Download e app: kalamidat den App store Of Google play, pa bo ta bon prepará i keda bon informá!