Teps pa temporada di orkan

DATE : March 2, 2016 , BY admin , CATEGORY : Bo tabata sa?

Sòru pa tin un plan di akshon na kas pa den kaso di un menasa di orkan;
Kontrolá ekiponan di emergensia i ekiponan ku ta usa bateria manera radio, flèshlait i telefòn selular. Sòru pa èkstra bateria;
Sòru pa kuminda ku no ta daña i sufisiente awa pa bebe pa 3 dia;
Kumpra ‘plywood’ i otro material pa protehá bo kas;
Kòrta palu i mata rondó di kas i limpia bo kura ya ku takinan ku ta bula rònt por kousa daño na bo kas;
Revisá bo pólisa di seguro;
Sea konsiente di e lokalidat di bo kas i si esaki ta den un área ku sainundá dor di áwaseru fuerte òf laman;
Sòru pa bo tin un pakete di emergensia ku tur kos nesesario denbo kas.
Durante di un kalamidat sigui skucha radio i televishon pa asinasigui e boletinnan emití dor di Servisio Meteorológiko;
No sali kaya òf subi laman si a deskonsehá esaki
Si bo topa ku un área ku ta inundá, bira bek, no pasa dor di esaki ya ku bo por hoga.

Bo tabata sa?