Pa ta bon prepará bo mester di bo pakete di emergensia den kaso di un kalamidat. Ta importante pa tin un pakete di emergensia den kas. Esaki ta duna abo i bo famia mas oportunidat pa sali bon for di un kalamidat. Aki bou tin un lista di produkto ku semper mester tin den kas. Bo mes tambe por agregá otro produkto, manera remedinan personal. Kontrolá kada seis luna si bo pakete di kalamidat ta kompleto i den bon kondishon.

Den e video bo por mira kon bo ta traha un pakete di emergensia:

Akibou bo ta kontra tur lokual ta nesesario pa un pakete di emergensia:

  1. Radio di bateria, poné riba e frekuensia 97.9 FM ku ta e Radio di Emergensia.
  2. Kaha di E.H.B.O. i deskripshon kon pa us’é.
  3. Flèshlait ku bateria èkstra.
  4. Lusafè bon paketá kontra di humedat.
  5. Sèn kèsh i kopianan di papelnan di identidat i seguro.
  6. Yabinan èkstra di kas i outo.
  7. Mapa di besindario i un lista di numbernan di adrès di famia òf konosí kaminda por akudí durante un kalamidat.
  8. Set di hèrmènt.
  9. 3 liter di awa pa dia pa kada hende den kas, pa un mínimo di 5 dia.
  10. Kuminda ku no ta daña pa un mínimo di 5 dia.
  11. Artíkulonan higiéniko manera: papel di wc, habon, habon pa laba paña, duki higiéniko, pasta di djente, skeiru di djente.
  12. Remedinan den stòk.