Krísis di koriente òf awa

Un krísis di awa òf koriente ta enserá ku no por suministrá awa òf koriente pa (un parti) di poblashon pa un periodo largu.

 

 

Promé ku koriente, awa òf telefòn kai afó:

  • Sòru pa bo dispone di un radio ku ta traha riba bateria i èkstra bateria
  • Pone e radio riba e frekuensia 97.9 di Radio di Emergensia
  • Traha un pakete permanente di emergensia pa warda den bo kas

 

Ora koriente, awa òf telefòn kai afó:

  • Skucha Radio di Emergensia 97.9FM
  • Informá si bo bisiñanan tin mester di bo

 

Krísis di Koriente na Kòrsou

 

Koriente

Ora despues di un kalamidat koriente ta kai afó, ta importante pa bo tin un radio disponibel ku ta traha riba bateria. Pone su frekuensia kla riba 97.9FM ku ta frekuensia di Radio di Emergensia. Asina bo mes por tende kiko ta sosodé i kiko bo mester hasi.

 

Awa

Por sosodé ku ta sera e ret di awa òf ku awa ta bira kontaminá. Pa e motibu ei ta importante pa bo tin un kantidat di bòter di awa den kas: 3 liter pa dia pa kada persona den kas, pa un mínimo di 3 dia. Ta importante pa regularmente kambia e awa aki pa awa fresku.

 

Telefòn

Despues di un emergensia hopi hende ta kuminsá yama otro. Esaki por resultá den un ret di telefòn muchu okupá. No usa telefòn innesesariamente i si bo tin ku yama, keda alkaso i kòrtiku. Si e ret di telefòn kai afó, skucha Radio di Emergensia 97.9FM, riba bo radio ku ta traha riba bateria. Asina lo bo haña informashon tokante kiko ta sosodé, kiko bo por hasi i kon pa drenta den kontakto ku polis òf ambulans.