Epidemia

Ta papia di un epidemia ora un enfermedat afektá un number di individuo denter di un poblashon durante un tempu determinadó. En realidat abo mes no por hasi nada pa evitá un epidemia. Loke sí bo por hasi ta sòru pa minimalisá e efektonan ku un kalamidat asin’aki por tin riba bo bida personal.

 

 

Promé ku un epidemia:

  • Sòru pa bo tin un radio ku ta traha riba bateria
  • Buta bo radio riba e emisora di kalamidat (97.9 FM) i òf televishon,
  • Bishita www.kalamidat.cw òf download e app Kalamidat
  • Sòru pa bo tin stòk di kuminda den kaso di emergensia den kas
  • Kòrda riba bo higiena personal i laba bo man frekuente

 

Durante un epidemia:

  • Semper usa lensu di papel ku bo por tira afó mesora despues di uso
  • Tapa boka ora nister òf tosa
  • Laba man regular
  • Keda kas si bo tin un malesa kontagioso
  • Keda leu for di hende ku ya ta kontaminá ku e malesa
  • Tuma kontakto ku bo dòkter di kas si bo tin e síntomanan

 

Epidemia di grip

 

Kiko bo mes por hasi

 

Un vírus nobo òf kualke otro malesa kontagioso por afektá hopi hende pareu. Un epidemia por tin konsekuensianan grandi pa komunidat. Dòkter i verplegsternan lo ta hopi drùk i algun kompania no por sigui funshoná ya komo ku tin tiki trahadó.

Tin chèns ku transporte públiko ta bai kore ménos òf asta por bai plat. Sektor di Salubridat tin plannan i lo aktivá esaki na momentu di un epidemia. Spesialmente pa loke ta trata informashon i konsientisashon di e pueblo.Gobièrnu lo tuma e medidanan adekuá pa kombatí un epidemia na un manera efektivo i efisiente.

Promé ku tira vürwèrk informa bo mes!
Sigui lesa »